Manjinski akcionari Duvanskog kombinata podnijeli danas tužbu Osnovnom sudu protiv Vlade, radi poništenja ugovora o osnivanju novog DKP-a, prodaji imovine i brisanju Starog DKP-a iz centralnog registra Privrednog suda, kazao je „Danu” predsjednik Udruženja za zaštitu manjinskih akcionara DKP-a Žarko Knežević.
– Pokušali smo mirnim putem da zaštitimo interese malih akcionara, ali je dogovor izostao – kazao je Knežević i najavio da će se u ponedjeljak u 10 sati ispred kapije DKP-a okupiti manjinski akcionari, među kojima su većina bivši radnici.
Vlada i Glavni grad su 18. novembra prošle godine formirali novi DKP u kojem nije bilo kapitala manjinskih akcionara, koji su u starom DKP-u imali 48 odsto akcija.
