Kada su u pitanju visine urbanih ostvarenja i arhitektonska čuda, nijedna zemlja nije prihvatila “vertikalnu revoluciju” kao Kina.
Na ovom grafikonu koja koristi podatke Savjeta za visoke zgrade i urbana staništa (CTBUH) nalazi se 25 gradova s najviše nebodera i supervisokih zgrada na svijetu. Nije iznenađujuće da kineski gradovi dominiraju na listi, učvršćujući reputaciju te zemlje kao globalnog centra visokih zgrada.
Top 25 gradova po broju nebodera
Na vrhu top-liste je Hong Kong, sa impresivnih 657 nebodera, uključujući šest supervisokih zgrada, koje imaju više od 300 metara.
| Mjesto | Grad | Zemlja | Neboderi (>150m) | Superneboderi (>300m) |
|---|---|---|---|---|
| 1 | Hong Kong | Kina | 657 | 6 |
| 2 | Šenžen | Kina | 513 | 16 |
| 3 | Njujork | SAD | 421 | 16 |
| 4 | Dubai | UAE | 395 | 28 |
| 5 | Guangžou | Kina | 254 | 11 |
| 6 | Šangaj | Kina | 250 | 5 |
| 7 | Kuala Lumpur | Malezija | 211 | 5 |
| 8 | Čongćing | Kina | 205 | 5 |
| 9 | Tokio | Japan | 200 | 0 |
| 10 | Vuhan | Kina | 183 | 5 |
| 11 | Čikago | SAD | 178 | 7 |
| 12 | Džakarta | Indonezija | 160 | 1 |
| 13 | Čengdu | Kina | 150 | 0 |
| 14 | Bangkok | Tajland | 133 | 3 |
| 15 | Šenjang | Kina | 129 | 3 |
| 16 | Singapur | Singapur | 128 | 0 |
| 17 | Naning | Kina | 122 | 6 |
| 18 | Mumbai | Indija | 114 | 0 |
| 19 | Tjanđin | Kina | 109 | 3 |
| 20 | Nanđing | Kina | 108 | 7 |
| 21 | Toronto | Kanada | 106 | 0 |
| 22 | Busan | Južna Koreja | 106 | 4 |
| 23 | Seul | Južna Koreja | 104 | 2 |
| 24 | Čangša | Kina | 97 | 5 |
| 25 | Melburn | Australija | 94 | 1 |
Hong Kong, zajedno sa Šenženom (#2) i Guangžouom (#5) dio je rastućeg megalopolisa poznatog kao Delta Biserne rijeke, u kojoj se nalazi više 1.500 nebodera. Ovo je još impresivnije ako se uzme u obzir da je Šenžen bio malo ribarsko selo do 1970-ih.
Njujork je siguran na trećoj poziciji, sa impresivnim brojem od 421 neboderom. Iako je možda prepustio titulu kineskim gradovima, obris grada ostaje globalno poznati simbol, na kojem se ističe kultni Empire State Building. Naime, Empire State Building je i dalje jedan od najpoznatijih, iako više nije među 50 najviših građevina na svijetu.
Prvih pet zaokružuje Dubai u Ujedinjenim Arapskim Emiratima, koji zauzima četvrtu poziciju sa 395 nebodera, od kojih je nevjerovatnih 28 supervisokih. Ova pustinjska oaza postala je sinonim za grandioznu arhitekturu i građevine koje obaraju rekorde, a primjer je Burdž Kalifa, koja je trenutno najviša zgrada na svijetu sa 828 metara.
Kina u kontekstu
Gledajući ove podatke iz druge perspektive, Kina zapravo ima više nebodera na ovoj listi nego ostatak svijeta zajedno.
| Zemlja | Gradovi u Top 25 | Oblakoderi | Superoblakoderi |
|---|---|---|---|
| China | 12 | 2.777 | 72 |
| Ostatak svijeta | 13 | 2.350 | 67 |
Brza kineska urbanizacija, ekonomski rast i ambiciozni građevinski projekti podstakli su ovaj impresivan podvig. Nema sumnje da je neumorna težnja zemlje ka “vertikalnom razvoju”, zajedno sa rastom populacije i urbanizacije, pozicionirala Kinu kao lidera bez premca u globalnoj utrci neboderima.
Budućnost globalnog horizonta
Kako svijet nastavlja da dostiže nove visine arhitektonskim čudima, u planu je još više supervisokih nebodera koji će preoblikovati horizonte širom svijeta.
Od visoke kule Džeda u Saudijskoj Arabiji, koja je spremna da nadmaši Burdž Kalifu kao najvišu na svijetu, do izuzetne Merdeka 118 u Kuala Lumpuru, koja bi trebalo da preuzme titulu druge najviše građevine na svijetu kada bude otvorena u junu ove godie. Ovi projekti će tek osvajati stanovnike i turiste u godinama koje dolaze.
Čak i dok se ove nove monumentalne zgrade dižu, pozicija Kine na listi nebodera – s tri grada u prvih pet na svijetu – vjerovatno će ostati neosporna.
Visual Capitalist/Bankar.me
