Venecuela namjerava u narednim danima da proda 15 tona zlata Ujedinjenim Arapskim Emiratima iz rezervi venecuelanske Centralne banke koje bi bilo isplaćeno u eurima, javila je agencija Rojters, pozivajući se na neimenovanog zvaničnika koji je upoznat sa tim planom.
Prodaja rezervi zlata ove godine počela je 26. januara, kada su u UAE poslate tri tone zlata, tvrdi zvaničnik.
Kako je naveo, prošle godine je Venecuela u Tursku izvezla zlato u vrijednosti od 900 miliona dolara.
Plan je bio da se UAE do februara proda 29 tona zlada da bi se obezbijedila likvidnost za uvoz osnovnih proizvoda, dodaje izvor.
Prema podacima Centralne banke, rezerve zlata u Venecueli iznose 132 tone, a podijeljene su između Centralne banke i Banke Engleske.
