The Shed at Dulwich nedavno se našao na prvom mjestu među londonskim restoranima na TripAdvisoru, restoran koji zapravo ne postoji. Britanski novinar Odah Batler bio je plaćen da piše pozitivne kritike za restorane u kojima nikada nije ni bio.

Zahvaljujući tom poslu, shvatio je da ljudi ono što pročitaju na internetu shvataju preozbiljno. Konkretno, ovdje se radilo o TripAdvisoru. Jedino što je bilo istinito, bio je sam restoran. Stoga je odlučio da vidi može li se i to lažirati.

Svoju kuću pretvorio je u restoran, barem onaj virtuelni. Prijatelje je angažovao za prve kritike, a da bi privukao više pažnje, umjesto klasičnog menija, u ponudu je stavio “raspoloženja” koja bi diktirala jela koja se serviraju. Ljubav, kontempliranje, utjeha, požuda…

Nakon mjesec dana počeli su da pristižu i prvi pozivi za rezervacije. Odah je svima govorio da je bukiran nedjeljama unaprijed, pa niko nije mogao da rezerviše sto.

Kako je sve više ljudi govorilo o restoranu u kojem, zapravo, nikada nisu ni bili, The Shed se približavao prvom mjestu na TripAdvisoru.

Kada su stvari počele da izmiču kontroli, a ljudi se prijavljuju i za poslove u ovom nepostojećem restoranu, Odah je odlučio da nekolici ljudi omogući da zapravo nešto i pojedu u The Shedu.

Čak je i jedna večera je ipak poslužena u nepostojećem restoranu.