Australijski tinejdžer iza sebe ima uspješnu igru za iPhone, agregator za društvene mreže pa ne čudi što se divovi iz Silikonske doline bore da ga baš oni zaposle.

Iako ima samo 15 godina, Australijanac Ben Pasternak autor je igre za iPhone Impossible Rush, koja je samo u prvih šest nedjelja skinuta više od pola miliona puta. Igru je napravio s prijateljem jer im je, kako kaže, bilo dosadno u školi.

Mali genijalac nakon toga učestvovao je na takmičenju programera, hackathonu, u Silikonskoj dolini, kao samo jedan od troje pozvanih van SAD-a, i oduševio žiri aplikacijom One, agregatorom koji na jednom mjestu nudi podatke sa svih društvenih mreža koje pratite.

Ne čudi stoga što je mladi Ben prepoznat kao izuzetno nadaren te se velike tehnološke kompanije – ujedno i najpoželjniji poslodavci ne samo u tehnološkom sektoru nego uopšte, takmiče se koja će ga privući da dođe na praksu kod njih.

Facebook ga je pozvao u obilazak sjedišta u Kaliforniji, a jedan od Googleovih potpredsjednika je pozvao Bena da dođe u njihov kampus i ostane koliko god želi, prenosi 24sata.hr.

Pametni mladić za Mashable je na pitanje o tome gdje će nastaviti karijeru odgovorio samo: Vidjećemo.