Cijene naftnih derivata na hrvatskom tržištu u opadanju su šestu nedelju za redom, i najniže su za posljednje skoro četiri godine.
Prema informacijama hrvatskog portala cijenegoriva.info, cijena litra eurosupera 95 pala je za čak 35 lipa i sada iznosi 9,43 kune (1,22 eura) na Ininim benzinskim pumpama, dok je na Petrolovim za lipu niža, prenosi Poslovni dnevnik.
Ovo je ujedno i najniža cijena ovog benzina u posljednje skoro četiri godine (od februara 2011).
I cijene eurodizela su u padu, i to za čak 30 lipa, pa na Ininim i Petrolovim pumpama iznose 9,02 kune (1,17 eura), što je najniža cijena od avgusta 2011. godine.
Suprotno, cijena gasa za automobile nastavila je rast, ovoga puta za sedam lipa i sada iznosi 4,37 kuna (0,56 eura), dok je ulje za loženje pojeftinilo 30 lipa, na 5,11 kuna.
