Facebook konstantno pomiče granice kad se radi o oglašavanju, a njihova posljednja inovacija vezana uz poznate osobe možda je i najbolja dosad. Barem ako pitate preduzetnike i investitore.

Naime, kako bi zaradili više od oglasa, našli su način prepoznavanja poznatih i popularnih osoba na Facebooku pa onima koji žele da se njima pojavljuju određeni oglasi, naplaćivaće znatno više. Nestvarno više za mnoge koji se bave oglašavanjem na Facebooku.

Zasluge za alat koji omogućava prepoznavanje najpopularnijih ima Mikhail Avady, odnosno njegov PatentYogi. Prezentovan je još davne 2011. godine, ali odobren je tek ove nedelje. I sad bi njegove mogućnosti trebalo da urode plodom. A najbolje od svega je što su Google, Microsoft i Yahoo imali priliku da koriste takav alat, ali nisu pronašli način kako.

Na primjer, Google može to činiti kroz broj konekcija, Yahoo kroz “followere”, a Microsoft kroz one koji imaju najveću nedupliranu publiku. No svaki od tih načina ima manu jer se baziraju na konekcijama, a ne na samom utcaju određene osobe, odnosno korisnika. Samim time može doći do malverzacija i lažne osobe mogu u očima Googlea, Yahooa ili Microsofta djelovati kao popularne.

Facebook čini nešto drugo, oni uz broj ljudi koji prate dotičnu osobu prate i broj onih koji dijele sadržaj dotične osobe, a samim time prate i uticaj koji ta osoba ima. Prema tome, moguće je da neko ko nema previše “followera” bude označen kao uticajna osoba ukoliko konstantno na pojedinim temama ima široku publiku, velik broj komentara i dijeljenja sadržaja.

Jasno, “mreža” potom usmjerava oglase određene tematike prema tim “metama” i zarada se bezbrižno “vrti”. I sigurno je da će ova opcija za oglašivače biti hit, naići će na mnogo više pažnje i potencijalnih kupaca nego svaka druga marketinška kampanja na Facebooku.