Poslastičari iz Toronta su napravili kapkejk koji košta čak 900 dolara, prenosi “Dejli mejl”.

Kolač je napravljen u poslastičarnici Le Dolci po specijalnoj narudžbini.

Iako nije velik, pun je preskupih sastojaka, među kojima su čestice dijamanta i listići 24-karatnog zlata.

Kolač sadrži morsku so iz Francuske, vanilu sa Tahitija, skupu čokoladu iz Francuske i Italije i kafu sa Jamajke.

“Kapkejk se nalazi u ručno pravljenoj jestivoj čokoladnoj korpici, ukrašen je hrskavim jestivim perlicama i zlatnim listićima. Ima jestivi ukras u obliku grane, obojen zlatnom bojom, cvijet od fondana i dijamante od šećera. Uz njega ide i ampula sa konjakom Kurvoazje iz ograničene serije, koji se sipa na kolač prije jela”, rekla je Lisa Sangvedolče, vlasnica poslastičarnice.

Kolač je naručio neimenovani muškarac svojoj supruzi za rođendan.

“Koristili smo sve sastojke koje voli njegova žena i neke stvari koje on voli. Bio je to veoma zabavan projekat”, izjavila je Sangvedolče.

Najskuplji kapkejk je do sada bio slatkiš napravljen u Las Vegasu koji je koštao 750 dolara, prenose agencije.